اشرف ابراهيم كل الناس تشهد له بالخير والاحترام، اشرف أب ل 4 بنات كان يعمل محصل شئون قانونية ولكنه انفصل فصل تعسفى من عمله وكان عنده محل أدوات صحية في العاشر من رمضان.
اختفى اشرف ابراهيم قسرا يوم 26 مايو 2019، تم القبض عليه من أمام محل عمله وتم اقتياده لجهة غير معلومة إلى الآن، مر 3055 يوم من #الزمن_المسروق من عمر اشرف و عائلته وبناته، مرت احداث كتيرة من غيره بنته الكبيرة كان بيجهزها لفرجها اتجوزت وخلفت 3 اولاد، وبنته التانية اتجوزت، بناته الاتنين مروا بحاجات كتير في دراستهم وحياتهم وكانوا محتاجين ابوهم يكون موجود وسطيهم.
آخر يوم اشرف كان موجود وسط عائلته، كان بيشترى حاجات لجهاز جوازة بنته الكبيرة ويومها بليل جه البوكس مكان محل عمله جنب البيت لقيناه واخدينه من جوا المحل ، بعدها اختفي وعملنا بلاغات، من وقتها مفيش اي خبر عنه من وقت الاختفاء ، وأسرته وصلت لمرحلة من اليأس والألم ” انه حتي لو ميت اعرف بس واعرف اطلع شهادة وفاة أو نعرف هو فين نعرف نشوفه.”
زوجى اشرف هي أم وحيدة لاربع بنات بتحاول تكون الام والاب جوا البيت وشايلة المسؤولة وحدها “انا في عز احتياجي ليه ،هدومة موجودة دانا معلقة الجلبية وبحط فيها فلوس عشان احس انه موجود في البيت ، وبدلته اللي كان مجهزها لفرح بنته واقول للبنات استخدموا البدلة كانه موجود”
زوجة اشرف بتوصله رسالة عن اخبار بناته وبتقوله “دول بناتك محتاجينك ومحتاجين تكمل رسالتك، وكل حفيد بيسال عليك ” فين جدو؟” وانا محتجاك تشيل عني المسؤولية ، لاني كأم مش قادرة اتحمل.”