ضمن مخرجات حملة الزمن المسروق: بروفايل هشام محمد عبدالفتاح

هشام محمد عبد  الفتاح هو الاخ الاكبر داخل أسرته وكان معاون اخواته والأسرة كانت معتمدة عليه ، وكان ملتزم في شغله وحياته. بس طول الوقت كان شعور القلق بيهاجمه وعايش معاه ومكنش قايل لحد أسباب خوفه، لكن يوم 9 يونيو 2021 بنعرف السبب كان طالع يجيب سجاير من الكشك جنب البيت وفجأة اختفى حتى مش ظاهر في الكاميرات ولا حد يعرف عنه حاجة.

من اليوم دا الأسرة بدأت رحلة البحث عن اخوهم، رحلة #الزمن-المسروق من حياة هشام وأسرته، علقوا منشورات في الشوارع وكلموا كل الناس وسألوا عليه في مؤسسات للمشردين والمفقودين، وسألوا عليه في الاقسام والمستشفيات لكن بدون اي معلومة تفيد وجوده. وكانت طول الوقت بتجلهم اخبار من الاقسام كانت الأمل في مواجهة كل مرة يروحوا مقر النيابة و امن الدولة ان الاسم دا مش موجود عندهم.

علي مدار #الزمن-المسروق لاحقت الأسرة الأسئلة بلا  إجابة، أين حقوقه كمواطن لا نعلم مصيره،ما التهمة الموجه اليه ان كانت موجودة أين مسارات المحاكمة العادلة؟ من يمكننا أن نسأله بعد ارسال التلغرافات إلى الرئيس والنائب العام دون رد ؟

آخر يوم كان وسط اهله واخواته، ابنه كان عنده 3 ايام وبيحضروا  للسبوع.هشام اختفى من حياة ابنه  وهو عنده 3 ايام  دلوقتي الطفل  عنده 6 سنين.وده غير أن باقي أفراد الأسرة كبروا وحصلت أحداث في حياتهم ولكن ينقصها وجود هشام الابن الكبير وسطيهم.

اخو هشام عبر عن كل الم الأسرة بتشوفه كل يوم ويبعتله رسالة “انا مش بقدر اقول الله يرحمه لاني حاسس انه عايش، بس هو لو مات احنا مش بترحم عليه كل دا، انا عايزة اشوفك وتشوف عيالي وترجع البيت ونرجع اربع اخوات تاني ،انا نفسي عيالي يشوفه واشوفه قبل مااموت 

بتمني من ربنا اشوفه واحضنه دا من حقي انا اخوه ، دا اقل حاجة ، مش عايزين تخرجوه ماشي، بس اشوف”