ضمن مخرجات حملة الزمن المسروق: بروفايل سيد حسن علي مرسي

كان فاضل اسبوع على يوم زفافه ، بس الفرحة مكملتش، عدي 3170 يوم من غير  فرحة ” سيد ” وسط اهله.

“السنين بتعلم الصبر، ولو كان في أي ذكرى مميزة 11 سنة قادرين ينسوا الواحد الذكريات”.

سيد حسن علي مرسي، رجل متعلم حاصل على بكالوريوس تجارة، حافظ لكتاب الله وزيه زي احد عادي لا متطرف ولا متشدد معندوش اي ميول غير انه مسلم.

سيد اتحكم عليه بالبراءة بتاريخ 7 ديسمبر 2017 في القضية رقم 103 لسنة 2014   المعروفة إعلاميا ” قضية اجناد الارض”، وتم ترحيله من محبسه إلى قسم شرطة الوراق تمهيداً لاخلاء سبيله، إلا أنه في تاريخ 1 يناير 2018 ذهبت الاسرة إلى قسم الشرطة لمتابعة المستجدات، وإذ ينكر  القسم وجوده لديهم، ولم يٌعرف له مكان تواجده حتى الآن.

والدة سيد مازالت محتفظه بكل هدومه و بكتاب ربنا اللي دايما كان بيقرأ منه، ” كل يوم بيعدي عليا بالآلام … ولا عارفين اي خبر عنه…. وتعلمنا الصبر مع الايام”

والد سيد لو شافه انهاردة هيقوله رسالة بسيطة “مفيش احسن من الصبر ، لو صبرنا على بعض مكنش في حاجة وحشة حصلت”.